academia vox populi o grove

CURSOS ESPECIAIS PARA PERSOAS ADULTAS

2011-10-04T08:03:00.000-07:00

A academia Vox Populi leva anos preparando estudantes para obter o Graduado en ESO para persoas adultas, así como para o Bacharelato a distancia e os cursos de acceso a Universidade para maiores de 25 e 45 anos.
Estamos preparados e especializados e ademáis establecemos grupos diferenciados para o alumnado adulto.
Se queres acadar o teu título de Graduado en ESO, preparar as Probas para acceso a Ciclos Medios ou ben as novas Probas de Competencias Clave, para obter o Certificado de Profesionalidade, podemos axudarte.
Se o precisas xestionámoste a matrícula e proporcionámoste material de traballo.
Pregúntanos sen compromiso.

INICIO DO CURSO

2010-09-16T04:14:00.000-07:00

O mundo volve rodar!
Empeza o curso escolar en primaria e está a piques de facelo en secundaria e bacharelato.
Na Academia Vox Populi temos todo preparado para o mes de outubro.
Vai facendo a túa reserva!

COMEZAMOS OS CURSOS DE VERÁN

2010-07-05T03:39:00.001-07:00

Durante xullo e agosto teremos os cursos de verán, en HORARIO DE MAÑÁ, salvo clases individuais e grupos privados.
Durante TODO O DÍA atendémoste nos teléfonos 986731610 ou 659280698, e na rede no noso enderezo electrónico: academiavoxpopuli@gmail.com

SAN XOAN

2010-06-24T06:49:00.000-07:00

Despois da noite de San Xoan, na que moitas veces cando ainda estabamos na Universidade temos queimado os vellos apontamentos, preparámonos para empezar os nosos cursos de verán.

Esperámosvos coma sempre con moita ilusión e con toda a nosa profesionalidade posta á vosa disposición.

Ide reservando prazas: hai grupos feitos pero ainda podedes encaixar nalgún!

RECUPERACIÓNS E CLASES DE APOIO

2010-06-16T00:36:00.000-07:00

Despóis dos resultados das notas (noraboa aos aprobados!), os que non chegarades a aprobar todas, ainda tedes unha oportunidade:
En VOX POPULI podemos axudarte.
Coma sempre en GRUPOS REDUCIDOS e con apoio ao estudo, non só "permanencias"... Somos licenciados, con grande experiencia...
Reserva xa a túa praza.

2010-02-05T14:48:00.000-08:00

HAITÍ

2010-01-20T06:49:00.000-08:00

En todos os bancos e caixas hai contas para colaborar con ONG que están a traballar en Haití. Podemos facer moito con moi pouco.

VACACIÓNS DE NADAL

2009-12-10T03:18:00.001-08:00

Coincidindo co peche dos centros oficiais de educación, a Academia Vox Populi "vaise" tamén de vacaciones de Nadal do 23 de decembro (incluído) ata o 11 de xaneiro, en que retomaremos as clases.

Aproveitade o tempo para estudar!

Bó Nadal e feliz festa dos Reis Magos!

Curso 09/10

2009-11-09T07:32:00.001-08:00

Dentro de pouco chegarán exames e notas. Non esquezades que a primeira avaliación é un xeito moi bó de valorar o que podemos esperar do curso enteiro...
A nosa proposta para este curso é : NON ESTUDES...no verán, ESTUDA agora, e o verán PARA TI.
Vai preparando as probas, seguindo as indicacións que poñemos nas entradas anteriores, e, xa sabes, en canto precises axuda, aquí estamos nós para axudarte a mellorar.
Visítanos en Rasoeiro 30, entre Rosalía de Castro e Luis Antonio Mestre.

SETEMBRO Á VOLTA

2009-08-26T01:42:00.000-07:00

Como xa veñen os exames, un par de conselliños máis para ir a eles coa tranquilidade de os ir aprobar:

-Repaso, repaso e repaso...pero non ata as tantas. Como xa dixemos varias veces, para ir a un exame hai que ir ben de ánimo, e iso inclúe durmir ben. Despóis dun verán de traballo sobre as notas de clase, os libros, os exercicios, media hora máis de repaso non supón nada, e media hora máis de sono supón a diferencia entre poderse concentrar ben ou non.

-Planificación das actividades. Xa a estas alturas tedes que ter todo lido, repasado, os exercicios do curso feitos e comprendidos. Pero para ir con máis tranquilidade, facédevos unha "autoproba": é un exercicio que vos propoñemos moitas veces na clase. Pensade, se vos fosedes profesores/as, qué exame poñeriades? Non vale preguntar parvadas, sede serios...e comprobaredes que o profesorado é menos duro ca vós...

Coma sempre, moita sorte.

E lembrade: nós estamos aquí para axudar.

EXAMES: UNHA PROBA DO APRENDIDO

2009-08-12T03:43:00.000-07:00

Hai que esforzarse nos exames de setembro, déixovos unhas recomendacións para facelos mellor e facer unha "boa travesía" cara o novo curso. Non son nada especial, só sentido común:
-ante todo CALMA: ainda que xogamos moito nunha soa proba, é mellor facela despacio e ben que a correr e mal .
-CONFIANZA: cando vemos unha pregunta vainos vir a resposta á cabeza, porque levamos todo o verán estudando. Temos que pensar que os exames non están posto para "fastidiar", senón para avaliar os nosos coñecementos en xeral, e se o repaso foi bo, a resposta está clara. Seguro. Se temos dúbidas PREGUNTEMOS AOS PROFESORES. A maioría das veces vannos dar unha pequena clave que nos axudará a lembrar ou aclarar conceptos. NON lle preguntes a un compañeiro: vas poñer a súa nota e máis a túa en perigo...e problamente sabe tanto ou menos ca ti.
-ORGANIZACIÓN: non podemos poñernos a correr e responder de calquera xeito. Trataremos de organizar os coñecementos por orde de importancia, e contestaremos primeiro (a menos que nos digan o contrario) ás preguntas que temos máis claras, para que nos quede tempo para repasar.
Faremos un esquema (escrito se é posible, senón mental) do que imos contestar, e poñeremos de xeito ordenado a información, relacionándoa entre si de xeito claro (se non hai moito tempo podemos preguntar se un esquema pode valer, se non, trataremos de facer frases correctas, enlazadas entre elas por medio de conectores: polo tanto, así que, deste xeito, podemos deducir...).
-LIMPEZA: unha boa letra, unha orde clara e un xeito sinxelo e correcto de expresión poden facer que unha resposta algo incompleta sexa ben considerada. En cambio, se facemos unha "chafallada" pode que a nosa completísima resposta pase a valer moito menos.
- REPASO: temos que revisar o que poñemos, porque ás veces hai detalles que escapan. Pero non nos obsesionemos. Na meirande parte das veces (descoñezo as estatísticas, pero sei que son a maioría) a primeira resposta é a acertada. Fiémonos da nosa intuición...ata certo punto.
CONTINUARÁ...
-

Non o deixes para o final

2009-07-22T02:48:00.000-07:00

Xa pasaron as Festas do Carme: quedan poucos días para que chegue agosto. E despóis de agosto SETEMBRO, sinónimo de exames.

Pásate pola Academia Vox Populi e axudarémoste a completar o teu esforzo con clases de apoio e técnicas de estudo aplicadas a cada materia.

HORARIO DE VERÁN

2009-07-03T02:55:00.000-07:00

Xa comezou xullo e tamén o noso HORARIO DE VERÁN. Para todos os que ides aos Campamentos, temos un grupo de primaria de 9 a 10 da mañá, para que poidades facer as dúas cousas: repasar e prepararvos para o próximo curso e disfrutar das actividades de lecer.

A Pousadeira

2009-06-26T07:05:00.001-07:00

A Agrupación Teatral Enxebre representa esta fin de semana A Pousadeira de Goldoni

Unha representación de A Pousadeira, de Carlo Goldoni, vai ter lugar os días 26, 27 e 28 deste mes de xuño na Casa da Torre (rúa Luis Antonio Mestre), grazas á xenerosa autorización da familia Escuredo, que a prestou amablemente para este fin.
A obra vai ser representada polo grupo teatral da Asociación Enxebre, que ten feito un importante esforzo na adecuación da finca, que se convertirá nun graderío ao aire libre, e dunha parte da Torre que servirá de adecuado fondo á montaxe teatral, ambientada na Italia do século XVIII.
A Pousadeira é unha intelixente e sinxela comedia na que os personaxes participan nunha divertida trama de amores, ciumes, enganos e situacións cómicas que ainda hoxe conservan todo o seu brillante humor. A protagonista, Mirandolina, unha xentil viuva, sempre requerida de amor por todos os visitantes da súa pousada, verá como un indiferente cabaleiro desperta esta vez a súa atención: o enredo está servido.
A obra vai ser representada cada día ás dez da noite, sempre que as condicións meteorolóxicas o permitan. As entradas estarán á venda á porta da Torre, a partir das 17: 00 dos días de función, e non estarán numeradas, polo que se prega puntualidade.

Xoguetes "diferentes", nenos iguais

2009-06-02T02:48:00.000-07:00

Agora que veñen as vacacións, inúndannos con anuncios de xoguetes para o verán, pero, como vedes na foto, a imaxinación é o que conta cando queremos xogar. Pensade, (antes de gastar os cartos en novos xogos para a Play, por exemplo), en que moitos nenos só teñen lama e as súas mans...e pásanno en grande. Aproveito esta entrada para lembrarvos que a http://www.fundacionemiliani.org/ , de onde trouxen estas fotos, continúa traballando con nenos abandonados ou orfos na Aldea infantil São Jerônimo de Inhamizoa, en Beira, Mozambique, e nós podemos botar unha man.

Rematan os Obradoiros, chega fin de curso

2009-05-18T05:10:00.000-07:00

Xa remataron as clases de Técnicas de Estudo que estivemos a impartir no Instituto. Cecilia, a profesora, vai dar tamén unha charla aos pais para informalos do que leva presentado aos participantes, e tamén para orientalos cara un traballo de colaboración cos seus fillos.

Tamén está a piques de rematar o curso de Animación á lectura e comprensión lectora que Juanjo imparte para os alumnos do último ciclo de primaria, dentro dos programas municipáis.

Entre as actividades deste obradoiro atopábase tamén un apartado de creación literaria. Pódense ver un par de mostras do que levan feito en http://www.creoqueescribo.blogspot.com/ , o blog do Obradoiro de Escrita Creativa de Vox Populi.

Cara a fin de curso informaremos sobre os cambios de horario para o verán, por se precisades da nosa axuda, ou simplemente non queredes "perder o ritmo".

Xa sabedes onde estamos.

Estudar e descansar

2009-05-08T02:44:00.001-07:00

Ola a tod@s!

Xa vai chegando o final do curso, e, como vai indo máis calor, no canto de ter máis gana de estudar imos tendo menos, non? O que apetece é ir á praia, pasear...

Pois podemos facer as dúas cousas.

Se organizamos un calendario e dentro deste un horario, podemos atopar tempo para estudar e tempo para o lecer.

Planificar é fundamental en calquera actividade: non é tempo perdido, é tempo gañado en organización, tranquilidade e claridade de ideas:

Planificación do tempo de estudo para unha proba:

Sede realistas e pensade canto tempo ao día necesitades para comprender e aprender un tema.

Collede un calendario (ou unha axenda escolar) e marcade canto tempo queda ata o próximo exame.

Repartide os temas ao longo dos días cos que contades. Buscade dúas ou tres horas xuntas no día para estudar, (descansando cada 50 minutos) e ailládevos do mundo (apagamos móbil, ordenata, nada de messenger, nada de play, nada de tele, mellor nada de mp3).

O ideal é organizar o calendario deixando como mínimo, dous días antes do exame (o ideal son tres ou catro, pero é difícil, polo xuntos que se poñen habitualmente). Estes días deberían servirnos para repasar e DESCANSAR a cabeza.

Ir relaxad@ a un exame é unha vantaxe moi grande: vainos permitir ter as ideas máis claras, vainos deixar razonar con máis lóxica.

Non é certo que haxa que chapar como tol@s a noite antes porque o que se le á noite queda mellor. Cada un ten o seu momento do día, e, certamente ler algo antes de durmir axuda a ordenar a mente e poder lembrar mellor, pero moitas veces é peor o remedio que a enfermidade, porque non temos claros os conceptos, parécenos que non imos lembrar nada...

Reanudamos as clases co horario normal

2009-04-14T05:38:00.000-07:00

Ola! Despois destes días de descanso esperamos que veñades con ánimo para traballar e tratar de superar o que queda de curso.

Nós reanudamos as clases con horario normal, polas tardes para os estudantes de primaria, secundaria e bacharelato e de mañá para as individuais que temos concertadas.

Deixámosvos unha foto da nosa visita a Samil, para que vos vaiades animando a facer "malabarismos" co estudo ;-.)

Semana Santa

2009-04-08T05:55:00.000-07:00

Vacacións de Semana Santa:
As clases reanúdanse o luns, pero en horario de mañá.
Un saúdo.

2009-01-23T02:43:00.000-08:00

O fabricante de ás de bolboreta

É un corto de Dani Abalo, no que se conta con imaxes unha fermosa historia. É unha boa mostra do que se pode facer con coñecementos e sensibilidade. Disfrutádea en :

http://www.festivit.com/blog1.php/2008/11/12/elfabricante-daniel-abalo

Exames

2009-01-11T06:28:00.000-08:00

Ide pensando que só quedan 6 meses de curso e que pronto hai que poñerse a preparar exames. Preparar un exame non é ler e ler para adiante. Temos que buscar o mellor xeito de enfrontarnos a eles, como unha recapitulación de coñecementos e non como un obstáculo insalvable. Iremos poñendo conselliños. Polo de agora pensade: Qué é o que máis traballo me dá estudar? Qué é o que sei facer mellor? Pois ese é o primeiro traballo, coñecernos ben e saber con qué contamos.

Feliz Ano Novo

2009-01-02T07:03:00.000-08:00

Feliz Ano Novo!

Esta semana, ata que empecen as clases, seguiremos co horario de vacacións, luns, mércores e xoves, así que xa nos vemos a víspera de Reis. A portarse ben!

"Pasárselo bien"

2008-12-21T10:57:00.000-08:00

pedídelle a os reis este disco

A canción que lle dá título di "deja la tele para pasártelo bien, juega conmigo para pasártelo bien".

Pódese mercar na web www.cancionesdexaquin.com Alí veredes que se publica baixo a filosofía de "prezo libre" e os beneficios son para a ong "como tú, como yo", que leva a cabo proxectos de cooperación. É un bó xeito de facer un Nadal solidario.

Nadal

2008-12-17T00:51:00.001-08:00

Xa case estamos no Nadal. Nós non deixamos de traballar, así que seguiremos coas clases, ainda que con horario de mañán. Cada grupo recibirá o seu novo horario por parte dos profes. Pola nosa parte seguimos con ilusión preparando o obradoiro de escritura creativa. Se vos queredes apuntar, aínda estades a tempo.

www.temosmoitoconto.blogspot.com

2008-12-12T12:27:00.001-08:00

www.temosmoitoconto.blogspot.com

ESCRITURA LITERARIA

2008-12-09T12:19:00.000-08:00

Poñer por escrito o que imaxinamos, imaxinar novas cousas para poñelas por escrito. Xa o dixo Jorge Luis Borges: " La literatura es un proceso infinito". Se tes gana de participar neste proceso, se xa escribes e queres botar unha ollada a novas perspectivas, se nunca escribiches e tes a inquedanza de facelo, apúntate ao noso novo obradoiro. Apúntate no edificio de Usos Múltiples na Rúa Castelao ou na nosa Academia, en Rasoeiro (frente á de Carducho), e se queres información sen compromiso, chámanos ao 986731610.

Vai lendo mentres algo do escrito por Juan Sendino, o noso "escritor de cabeceira" e responsable do obradoiro: http://www.juansendino.blogspot.com/

Esperámoste para aprender xuntos.

Contacontos

2008-11-14T08:57:00.000-08:00

Contar contos é algo que facemos cando temos nenos ou cando somos nenos, pero a ilusión por imaxinar ou crer nun mundo de fantasía vaise perdendo cós anos. Non sabemos moi ben porqué, pero moitos nenos bós lectores convírtense en adultos "lacazáns" que non dan lido duas follas seguidas... Un bó xeito de recuperar ese gusto pola lectura é comezar polo principio: escoitando ou contando contos.
Os "contacontos" están a ter moitísimo éxito tanto na tele como nos escenarios, onde disfrutamos coma nenos dunha historia ben contada.
Antes de que dea rematado novembro teremos un novo Obradoiro de técnicas de Contacontos. En 10 horas teórico-prácticas repasaremos o xeito de facer nosas historias populares, de crear os nosos propios contos e de poñelos en práctica coas técnicas necesarias para chamar e manter a atención do público.
Se estades interesados en participar aínda estades a tempo: podédesvos inscribir na "casa azul", no edificio de Usos Múltiples da rúa Castelao, ou na propia Academia Vox Populi. Se queredes máis información podedes chamarnos ao 986731610.
Esperámosvos.

cursos técnicas de estudo

2008-10-21T10:16:00.000-07:00

Cursos de Vox Populi en colaboración có Concello:

Un ano máis sumámonos á oferta de cursos promovidos pola concellería de Xuventude. Pola nosa parte podemos ofrecer cursos de Francés e Alemán para atención ao público, cursos de Escrita creativa e sobre todo un interesante curso de Técnicas de Estudo.

Tanto os estudantes máis áxiles como aqueles aos que máis traballo lles dá deberían contar con ferramentas que os axuden a estudar correctamente. É moi fácil crear hábitos cando se está ainda na escola, pero xa máis difícil cando chegamos ao instituto ou máis ainda se continuamos con estudos superiores. Por iso en Vox Populi tratamos de buscar que cada alumno busque o seu "xeito" de aproveitar mellor o tempo. Non só hai que poñerse diante dun libro e xa está, primeiro debemos coñecer as nosas capacidades, as nosas dificultades e tratar de melloralas. Para todo iso existen métodos que nós coñecemos e aplicamos. Déixanos axudarte.

Curso 2008/2009: clases de apoio

2008-09-29T09:40:00.001-07:00

Empezamos o curso 2008/2009 coa ilusión de axudarvos a mellorar no voso traballo no colexio ou no instituto.

Estes días estamos na Academia con horario de oficina: de 10 a 13 horas pola mañá e de 16 a 20 pola tarde, para informar dos horarios, prezos, etc.

Os que xa nos coñecedes sabedes que estamos á vosa disposición para calquera información, e os que ainda nos sabedes de nós, non dubidedes en vir se precisades axuda.

Estamos seguros de que se empezades o curso con bó pé teredes máis posibilidades de pasar un bó inverno e un mellor verán.

Un saúdo.

Rematan os cursos de verán

2008-08-27T03:08:00.000-07:00

Fin dos cursos de verán.
A Academia Vox Populi permanecerá pechada durante os primeiros quince días de setembro. Despóis voltaremos con novo horario de tarde e coas clases para adultos.

Novas tecnoloxías para coñecementos de sempre

2008-06-24T02:19:00.000-07:00

Esta mañá practicamos linguas có cd-rom de quinto curso. Tivemos que ordenar frases, marcar a sílaba tónica, colocar en orde alfabética. O entusiasmo dos rapaces crece con cada acerto. Cando os medios se achegan ao que están afeitos a facer cada día (xogar coa play, cós xogos de ordenata) eles poñen máis interés.

Non pode ser o único xeito de estudar, pero as novas tecnoloxías son un camiño moi interesante para ofrecer coñecementos dunha maneira diferente, e principalmente nunha linguaxe máis próxima ao que lles interesa oir.

En Vox Populi traballamos sempre con grupos moi pequeniños, polo que é posible usar esta metodoloxía para favorecer o seu traballo. Este ano temos buscado no google earth algúns ríos de Galicia, para saber onde desembocaban, temos buscado recursos económicos de O Grove, imaxes da cultura castrexa... e sempre aconsellamos facer pescudas na wikipedia, porque está claro que saber máis nunca perxudica, todo o contrario, vainos axudar a ter máis claro o que debemos aprender.

Novos horarios desde o 23 de xuño

2008-06-17T08:36:00.000-07:00

Novos horarios para a próxima semana:

O luns comezamos as clases pola mañá.

Os alumnos de 5º e 6º de primaria terán clase de 10 a 11, os de 3º e 4º de 11 a 12, na aula 3; os de 1º e 2º da E.S.O. de 11 a 12 tamén na aula 1 e os de 3º e 4º de 12 a 13. Probablemente aos de bacharelato os poñeremos de 9 a 10 na aula 3 para letras, e de 10 a 11 e de 11 a 12 na aula 4 para ciencias.

Estes horarios son provisionais, para os alumnos que xa están matriculados e que continúan con nós. Aos novos trataremos de incorporalos, coma sempre, do xeito máis cómodo para todos.

Se queredes reserva-la vosa plaza, pasade pola oficina a partir das catro da tarde e a calquera hora da mañá.

Fin de curso para uns, segunda oportunidade para outros

2008-06-10T08:08:00.000-07:00

Xa vai rematando o curso escolar. Tanto os rapaces de primaria coma os de secundaria e bacharelato están desexando deixar atrás as clases e comezar có novo ritmo do verán. Algúns andan a vender rifas para ir ao Campus, outros están apuntados á Escola municipal de verán, outros ás actividades das Anpas... pero algúns outros din que queren seguir vindo ás clases da Academia durante o verán, para non perder o ritmo. Por sorte hai tempo para todo, e como cambiamos o horario para a mañá, a tarde queda enteira para ir á praia.
Tamén teremos moitas caras novas, que buscan unha segunda oportunidade para os exames de setembro.
A todos trataremos de axudalos a rematar o curso o mellor posible e a comezar o novo con moitas ganas.
Próximamente poñerei o novo horario e así, se alguén busca unhas boas clases de matemáticas, física e química, bioloxía, etc. sabe que poderá contar con Cecilia. Juanjo e máis eu estamos sempre dispostos a preparar clases de historia, lingua española e galega, comentarios de texto, filosofía, francés, latín e grego e calquera outra cousa que necesitedes.

Arbitraxe de consumo

2008-05-28T13:12:00.000-07:00

Esperamos non ter que usar nunca este servizo, pero se hai algunha reclamación estamos dispostos a someternos á arbitraxe de consumo, e aquí deixo o "logo" oficial que nos autorizaron a utilizar. Un saúdo!

axudar a aprender

2008-05-21T04:42:00.000-07:00

Os pais estamos, no mellor dos casos, sempre aí para axudar aos fillos no que sexa necesario. Pero moitas veces non sabemos como enfrontar algunhas situacións, por exemplo cómo axudalos a estudar.
Por iso queremos ofrecer algunhas pautas sobre como debemos preparar aos nosos fillos do mellor xeito posible cara o estudo. O próximo sábado charlaremos para presentar algúns consellos e tamén escoitar as preocupacións dos asistentes.

Ortografía como carta de presentación

2008-05-12T06:02:00.003-07:00

Hoxe baixei ao Corgo e vin a moitos rapaces cos móbiles e as cámaras en man, a sacarlle fotos a canto cartel había. Estaban levando a cabo unha actividade de búsqueda de erros para un concurso có gallo da festa das Letras Galegas. Pareceunos unha boa iniciativa; de feito
hai tempo pensáramos en facer nós tamén unha campaña con fotos. Queriamos recoller as "barbaridades" que hai escritas polo pobo en diante e poñer algo así como " se pensas que está ben escrito, necesitas clases de ortografía". Porque pensamos que a ortografía é fundamental para facer chegar ben unha información. Se prescindimos dela podemos crear situacións de incomprensión, e tamén é un xeito interesante de auto disciplina.
Ao mellor parecemos anticuados considerando importante a ortografía , pero... porqué é importante irmos ben aseados, arregladiñ@s coma rul@s? Pois porque é parte da imaxe que proxectamos ante os demais e é interesante para nós que sexa boa. Ao escribir tamén estamos a proxectar a nosa imaxe e se cometemos faltas non é moi boa que digamos. Dende que aprendemos a escribir facemos caligrafía para que a letra sexa regular e lexible. Facemos mil exercicios de ortografía tamén, pero así como lemos as normas e as cuspimos nun exame ou nunha práctica de clase xa as estamos a esquecer...
Eu sei que ás veces me poño "pesada" indicándolle aos meus alumnos de apoio que puxeron deVeres, BerBo, Oi...e cousas polo estilo. De verdade que tódolos días o vexo, incluso cando están a copiar os enunciados. Non me estraña que moitos profesores optaran por non deixar usar o "típex" porque moitos cadernos acababan convertidos en trapalleiros magullos brancos... qué feo! Se tapamos todo o que facemos mal non hai nada que nolo lembre, e poñémolo mal de volta. A próxima vez que collas o "típex" pensa que está para axudar a presentar mellor os cadernos, non para enforranchar de branco as follas.
Seguiremos falando do tema.

Os DEBERES

2008-02-13T05:13:00.000-08:00

FACER DEBERES non é un castigo dos profes para que non os esquezamos nin na casa. Nin son un incordio para non deixarnos tempo libre; hai que velos como o que son: unha práctica do que fixemos na clase para que nos quede máis claro e nos sexa menos traballoso estudalo cando vaiamos ter exames. Seguro que si os tomas como UN REPASO DO QUE APRENDICHESvai ser máis doado.
Cando fagamos os deberes, igual que en calquera momento de estudo, debemos buscar un rato no que esteamos AO 100%. Non vale encender a tele e mentres como o bocata vou facendo as contas: SEGURO que vas acabar moito máis rápido se vas á túa mesa ou a un lugar tranquilo e ti só, ou con axuda de alguén, vas facendo os exercicios. Non esquezas que os deberes non son un exame, pero probablemente as preguntas que che "caian" nos exames van ser bastante semellantes, así que APROVEITA ESTA OPORTUNIDADE:
-PREPARA O MATERIAL: axenda escolar, úteis de escritura, regla, compás,caderno, folios etc. o libro de texto se é necesario e os diccionarios. Ademáis, se vas facer contas, podes "facer a proba" noutro papel que xa non valla (non esquezas reciclar!!!), e tamén podes facer primeiro nun papel aparte os esquemas ou resumos que uses para completar as preguntas.
-EMPEZA POLO MÁIS DIFÍCIL nada de "pintar" ou "encher ocos" toda a tarde e que as divisións queden para as dez da noite. Fai primeiro o que máis traballo che dá, que non ten porqué ser o que menos che gusta. POR QUÉ? É moi simple: O NOSO CEREBRO ESTÁ MÁIS ÁXILcando empezamos a estudar, e, máis ou menos en corenta e cinco ou cincuenta minutos vai perdendo concentración e capacidade de traballo así que, se empezas polo que máis esforzo require, ainda che sobran forzas para facer eses exercicios "chupados" que tamén os hai.
-Lembra que estás na casa, e que ninguén che dixo que non podes mirar as táboas ou comprobar a conxugación dos verbos: non penses que mirar estas cousas no libro, ou incluso facer as túas propias táboas e telas a man é trampa: SON AXUDAS PARA APRENDER, que é o queren os teus profes. Eso sí, non vale facer chuletas para os exames, claro, pero se vas mirando por un modelo, vas aprendendo: PARA MEMORIZAR HAI QUE REPETIR, é un esforzo grande ás veces, pero paga a pena. Seguro que xa non lembras como era cando non sabías andar en bici, pero quen che aprendeu lembrará que levabas unhas rodiñas de apoio, ou íanche agarrando por detrás, ata que despóis de moito practicar xa fuches ti sen axuda. Pois estudar venche sendo parecido: cando aprendes algo novo necesitas apoios, pero cando te das conta xa podes ir costa abaixo " a toda".
-Se alguén AXUDA a outro cós deberes debe ter claro que a súa tarefa NON é "FACERLLE OS EXERCICIOS", senón facilitarlle o traballo, e, sobre todo, axudar a BUSCAR INFORMACIÓNe a LEMBRAR o que fixeron na clase, cómo se busca no diccionario, cómo se atopa no libro de texto a resposta que non lembramos, como se fan as operacións matemáticas que acabamos de aprender...
Na ACADEMIA VOX POPULIesforzámonos por axudarte a ser independente no teu estudo: nós estamos para guiarte e conseguir que ti mesm@ saibas o que tes que facer para obter os mellores resultados. Non facemos os teus deberes, nin o soñes, pero sí sabemos como facer que ti os fagas o mellor posible.

Día da Muller Traballadora

2008-02-13T05:02:00.001-08:00

Superwoman non era para tanto: tiña superpoderes e non tiña fillos.
Seguro que as nosas nais, irmás, amigas e compañeiras son bastante máis "súper" ca ela: van á seca, á fábrica, traballan nunha tenda, teñen un posto na praza, traballan nunha oficina, van ás bateas, son camareiras, fan camas nun hotel, son policías, organizan reunións para vender cousas, son perruqueiras, taxistas, chóferes de autobús, mestras, cociñeiras, amas de casa, programadoras informáticas, traballan na terra, son enxeñeiras, son coidadoras, xardineiras, varrendeiras, funcionarias... e ademáis atúrannos a nós, levan a casa, compran e aforran, limpan e preparan o seu e o noso.
Hai que ter en conta o difícil que é inda hoxe ser muller traballadora nalgúns campos determinados, por iso celebramos este día, o 8 de marzo, coa ledicia de que cada vez vaia sendo menos extraordinario.

cursiños 2008

2008-01-25T07:36:00.000-08:00

Na oficina de información xuvenil, na "casa azul" pódeste apuntar aos cursiños que ofrecemos este ano:

Alemán básico, I e II:

Francés básico I e II

Técnicas de estudo

Contacontos

Matemáticas básicas

Todos eles a prezos populares, para que non che custe tanto achegarte ao que queres.

Academia Vox Populi: preparando o estudo

2008-01-09T08:58:00.000-08:00

Academia Vox Populi: preparando o estudo
Rematou o Nadal e xa estamos a pensar no Entroido. As Comparsas están xa a ensaiar para traernos coas súas letras máis agudas o recordo dos sucesos deste ano que deixamos atrás. Estamos a pensar nos días de vacacións e sobre todo nos disfraces. ¿De que vas ir este ano? Se non o sabes sempre queda o recurso de vestirse de "choqueiro".
Os "choqueiros" chámanse así porque antigamente levaban "chocas", esas campás que levan as vacas no pescozo, para facer ruído e meterse cós que non estaban disfrazados. A nós chega xa có significado de "traxe de Entroido feito con roupa vella" ou "persoa que leva este traxe".
Despois do Entroido, que este ano cae moi cedo, xa veñen os exames da segunda avaliación.
Na Academia Vox Populi xa estamos a traballar para preparalos.
Entre outras cousas, volvemos ler con coidado as leccións que entran e preparamos resumos e esquemas. Tamén facemos pequenos exames para ver no que temos que traballar máis.
Aquí van algúns consellos para prepararse mellor:

1- Busca un lugar tranquilo para estudar: sen ruído, sen outras persoas que molesten e por suposto sen tele. O ideal é unha mesa nunha sala de estudio, ou no seu defecto no noso dormitorio, onde non entre ninguén máis ca nós, por suposto sen tele, sen play e sen outros "divertimentos" que nos distraian .
2-A mesa debe ser alta dabondo para nós e ter espazo suficiente para os libros e os apuntamentos que usemos. Enriba dela non debe estar o móbil, nin tan sequera en modo silencio. Gárdao nun caixón; por unhas horas non é tan grave estar "incomunicad@"...
3-O ideal sería estudar con luz natural, pero agora no inverno é necesario usar un flexo ou luz lateral que debe caer sobre o papel de xeito que non lle fagamos sombra ao escribir (a situación depende de se somos destros ou zurdos), e non debe darnos nos ollos. O mellor é unha desas lámpada especiais "soft" ou as azuis de toda a vida. A luz amarela é de menor forza lumínica que a branca (ou azulada) e acaba cansándonos a vista.
4- A habitación non debe estar moi fría nin moi quente, pero se hai que escoller, é mellor un pouco de fresco, que espabila, que a calor, que apampa. Se sintes frío pon unha chaqueta, e de paso aforramos en calefacción e favorecemos o medio ambiente. O cuarto tamén debe estar ventilado: a falla de osíxeno dá sono, así que abre un chisco a ventá ou a porta...a menos que dean aviso de temporal...
5- Debemos manter a man todo o necesario para o traballo: non só libros e "apuntes" senón tamén folios, bolis e lápices, afilas, rotulas fosforiños, (recoméndovos os lapis fosforiños, que marcan mellor e duran ata que remata a mina), típex, calculadora, regra e calquera outra cousa que faga falta. Pero non só isto: tamén os panos de papel e un vasiño de auga (nada de bebidas excitantes, que poñen nervios@ e dificultan a concentración).
6-Antes de estudar temos que planificar: facer unha distribución dos temas por días ou por horas, segundo teñamos máis ou menos materia ou tempo. Hai que ser realistas e non poñer sete temas por día, porque se queremos prepararnos ben, isto non será posible. Temos que avaliar o noso rendemento en anteriores ocasións para facer un cálculo. Hai que ter en conta tamén que non todos os temas son iguais: non depende tanto do número de folios senón da dificultade da materia. Outro consello: empeza a estudar por algo que che guste para ir quecendo, como cando fas deporte, pero faite o firme propósito de cambiar ao difícil despois dunha hora ou menos, para volver a elo ao final da sesión de estudo, cando esteas máis cansad@..
7-O noso cerebro mantén a atención en etapas moi curtas, así que hai que descansar cada hora ou cincuenta minutos; por iso unha "hora lectiva" dura menos que unha hora normal. Descansa cada hora e érguete da cadeira, camiña un pouco, bebe auga...case coma os consellos da DXT aos condutores...

Seguiremos a dar consellos e a comentar cousas na seguinte páxina do noso caderno virtual. Boa sorte e lembra que se precisas axuda podes contar con nós!